Жекешелендіру бойынша жоспарды іске асыру туралы

ЖЕКЕШЕЛЕНДІРУ БАРЫСЫ ТУРАЛЫ
Қазақстан Республикасы Үкіметінің 2015 жылғы 30 желтоқсандағы №1141 қаулысымен бекітілген Жекешелендірудің 2016-2020 жылдарға арналған кешенді жоспарын іске асыру мақсатында Ақтөбе облысы бойынша коммуналдық меншігіндегі 9 ұйым, оның ішінде: 2016 жылы 1 ұйым («Тазалық» КМК), 2017 жылы 6 ұйым («Ақтөбе Таза Қала» ЖШС, «Намыс» кәсіпқой спорт клубы» МКҚК, «Ақтөбе-агросервис» ЖШС, «Ақтөбе облысының мемлекеттік-жекешелік әріптестігінің өңірлік орталығы» ЖШС, «Хромтау-тазалық» ЖШС және «Ақтөбе» аймақтық индустриалдық технопаркі» ЖШС) және 2018 жылы 2 ұйым («Ақтөбе» Облыстық футбол клубы» АҚ мен «Орталық стадион» МКК) жекешелендіруге жоспарланған.
Сонымен қатар «Ақтөбе» әлеуметтік-кәсіпкерлік корпорациясы» Ұлттық компаниясы» АҚ-ның (әрі қарай – ӘКК) 4 жекешелендіруге жоспарланған, оның ішінде: 2016 жылы 1 ұйым: «Aktobe Steel Production» ЖШС (мемлекеттің жарғылық капиталындағы үлесі 9,9%), 2017 жылы 2 ұйым: «Үй құрылыс комбинаты» ЖШС (42%) мен «Ақтөбетермококс» ЖШС (9,9%), және 2018 жылы «Asia Agro Holding» ЖШС (41%).
Бүгінгі күнге Ақтөбе облысы бойынша өткізіліп жатқан жекешелендірудің жоспарланған 13 ұйымнан 10-ы сатылымға шығарылған немесе орындалуы 77% құрады. Шығарылған объектілерден 7-і бәсекелестік ортаға берілген, 2 ұйым («Тазалық» МКК және «Ақтөбе Таза Қала» ЖШС) сауда-саттыққа шығарылып, нәтижесінде сатып алушылардың болмауына байланысты таратуға шешім қабылданып, тарату бойынша тиісті іс-шаралар жүргізілуде.
Жекешелендірілетін нысандар бойынша толық ақпарат интернет желісінде www.gosreestr.kz электрондық мекенжайында, сонымен қатар Ақтөбе облысы әкімдігінің ресми сайтында білуге болады.